Насилството врз жените не е изолирана појава или исклучок која ги засега индивидуалните права на жените и девојчињата, туку е глобален проблем и редовна појава во патријархалната матрица на стереотипни родови улоги и злоупотреба на моќ. Насилството предизвикува сериозни краткорочни и долгорочни физички, психолошки, сексуални и економски последици кај жените и сериозно го попречува нивното учеството и придонес кон општествениот развој и напредок. Токму затоа одговорноста за намалување на ризиците од појава од насилството и заштита на жените ја бараме кај локалните и националните власти кои треба да испратат јасна порака за неприфатливоста на насилството и сериозна заложба за системски промени кои ќе водат до соодветен, навремен и сеопфатен одговор кон проблемот.