На 25.10.2024г. ја одржавме првата регионална работна средба на граѓански организации од С. Македонија и Косово. На средбата ги споделивме нашите искуства и погледи на анти-родовите движења во регионот. Зборувавме и за предизвиците со кои се соочуваат активист(к)ите за родова еднаквост и ЛГБТИ заедниците. Средбата ја отвори Амбасадорот на Франција во Скопје, неговата екселенција Кристоф Ле Риголе кој го претстави и регионалниот проект „Во одбрана на правото да бидам ЈАС“.
Во соработка со Амбасадата на Франција во Скопје и партнерските организации Stella Network (С. Македонија), и 3 организации од Косово: Фондација Јахјаgа (Jahjaga Foundation), Центар за еднаквост и слобода на ЛГБТИ заедницата во Косово (CEL Kosova) и Центар за социјален и групен развој (CSGD Kosovo), работиме на различни активности локално.
Разговаравме и споделивме вредни искуства и согледувања во врска со анти-родовите движења во Северна Македонија и регионот, особено како нивните стратегии ја уназадуваат состојбата на родовата еднаквост и борбата против родово базирано насилство, како и за нападите со кои се соочуваат во офлајн и онлајн просторот.
Н.Е. Кристоф ле Риголер, од Француската амбасада во Скопје Амбасада де Франс во Скопје ја препозна позитивната промена во политиката и законодавството во Северна Македонија во однос на родовото насилство и родовата еднаквост и ги поддржа активностите и заложбите во рамките на нашиот проект „Во одбрана на правото да бидам ЈАС“.
Оваа средба е дел од регионалниот проект „Во одбрана на правото да бидам ЈАС“ што се спроведува во Северна Македонија и Косово, финансиран од француското Министерство за Европа и надворешни работи.
