Во ноември 2021г, како дел од процесот на субгратинрање на локални женски организации, ЖГИ Клеа организирање работна средба со Градоначалникот на Општина Прилеп, Борче Јовчески, непосредно по завршувањето на локалните озбори и изборот на нов градоначалник. На средбата беше присутен и Претседателот на Советот на Општината, Дејан Проданоски, како и поголемиот број членови на Советот на Општината како и Комисијата за еднакви можности на жените и мажите.
Дополнително, беа вклучени и локалните институции со претставници од ЈУ Центар за социјална работа – Прилеп, Центарот за вработување во Прилеп и локални граѓански организации.
Имено, ЖГИ Клеа работеше локално во Прилеп и локалните населени места, и изработи анализа на Потребите на жени жртви на насилство кои ја напуштиле насилната средина, која беше презентирана на работната средба. Освен наодите и заклучоците од анализата, беа презентирани препораките кои се дефинирани за Општина Прилеп, но и обврските на локалната самоуправа кои произлегуваат од Законот за заштита и спречување на насилство врз жените и семејно насилство. Препораките ја истакнуваат потребата од воспоставување локални услуги за реинтеграција и рехабилитација на жртви, со цел прекинување на кругот на насилството и превенција на идно насилство, но и спречување на ризиците од сиромаштија и бездомништво кај жртвите и нивните деца.
Оваа активност се спроведе во рамките на проектот „Институционализирање на квалитетни услуги за рехабилитација и интеграција на жртви од насилство“ поддржан од Австриската Агенција за развој (АДА).
