Националната мрежа против насилство врз жени и семејно насилство во соработка со Хуманитарно Здружение „Мајка“ и Здружението „Национален Ромски Центар“ одржа дводневна работилница (1ви и 2ри Март), со претставници од Центрите за социјална работа во Североисточен регион, претставници на СВР Куманово и Крива Паланка и претставници од Општа Болница Куманово со цел зајакнување на меѓусекторската соработка при нивното постапување на терен со случаите на жени жртви на родово базирано и семејно насилство.
Учесниците ги споделија искуствата, проблемите и предизвиците со кои се соочуваат и имаа можност да се запознаат со формите на насилство и услугите за помош, поддршка и реинтеграција на жените жртви на насилство.
Оваа активност се спроведува во рамките на „Институционализирање на квалитет услуги за рехабилитација и реинтеграција на жени жртви на насилство “, поддржан од австриската Агенција за развој (АДА) кој го спроведува Здружението „Мајка“ и „Застапување за обезбедување на специјализирани сервиси за помош и поддршка на жени и деца жртви на родово базирано и семејно насилство“ кој го спроведува Националниот ромски центар со поддршка на The Kvinna till Kvinna Foundation.
