Во периодот од 24ти до 26ти Октомври 2023г. во Х. Глориус во Велес се одржа петтата обука намената за претставници од женски граѓански организации и млади активистки на тема: „Партиско наспроти политичко делување“.
Оваа обука беше од критично значење во момент кога основните човекови права се под закана. Во текот на трите дена, учесниците ги разгледуваа предизвиците во политичкото делување и начините на кои граѓанските организации и политичките партии можат да соработуваат за да ги заштитат овие права. Оваа обука не само што ги освести учесниците за проблемите што ги создаваат политичките и партиските интереси, туку и научија и нови стратегии и решенија во нивното делување.
Имавме и практични вежби и работа во групи, што ја засили практичната примена на знаењата и вештините што ги стекнавме. Оваа интерактивна методологија не само придонесе кон подобро разбирање на предизвиците во политичкото делување, туку и овозможи практична примена на стратегиите и решенијата што ги разработивме. Во текот на обуката, учесниците имаа можност да споделуваат идеи, да дискутираат и да изработуваат практични планови за заштита на основните човекови права. Оваа комбинација на теорија и практика нè подготви со конкретни алатки и вештини за да можеме да се носиме со предизвиците што ги создаваат политичките и партиските интереси..
Оваа активност е поддржана од Шведската Фондација Kvinna till Kvinna.
