Во текот на Март, Април и Мај 2022г. во просториите на Женски центар за поддршка – Тетово беа одржани 10 едукативни работилници со 12 студентки од Државниот Универзитет во Тетово. Работилниците ги водеа Моника Чекаловиќ, социјална работничка во Женскиот центар и Небахат Имери, психолог во центарот.
Студентките имаа можност да се едуцираат на следниве теми:
- Што е родово базирано и семејно насилство, кои се формите на насилство;
- Циклус за Семејно и интимно партнерско насилство;
- Сајбер насилство;
- Тинејџерски насилни врски, сексуално насилство и силување;
- Патријархално општество, традиција, култура и насилство врз жените;
- Митови и факти, и црвени знаци/аларми на насилство;
- Последици од родово базирано и семејно насилство (Изложеност на децата на семејно насилство);
- Механизми на заштита (релевантни институции, каде може да се пријави, што се случува по пријавувањето, кои се специјализирани услуги за помош и поддршка на жртви);
- Превенција од родово базирано и семејно насилство;
- Грижа за себе (Self Care).
Целта на работилниците беше едукација на студентките за тоа како да препознаат насилство и како да се заштита од истото, но и каде и како да побараат помош или да упатат нивни пријателки или членови на семејството на кои им е потребна помош.
По завршување на работилниците, сите учеснички добија потврди за нивното учество, по што самите предложија иницијатива за промоција на Женскиот центар за поддршка – Тетово. Имено, во центарот на Тетово студентките ги информираа граѓаните за услугите и работата на центарот и поделија информативни материјали на оние кои беа заинтересирани.