Бизнис секторот се вклучува во поддршка на Женски центар за поддршка – Скопје

На 31 март беше потпишан договор за финансиска поддршка со компанијата Mozzart, со што се обезбеди поддршка за Женски центар за поддршка – Скопје. Со овој договор Женскиот центар ќе биде поддржан во следните 6 месеци, со вкупна сума во износ од 6.000 ЕУР во денарска противвредност.

Родово базираното и семејно насилство се општествен проблем, и поради тоа одговорноста за спречување и заштита на жените и децата од насилство е на целото општество. Во ситуација кога државата не обезбедува доволно поддршка за специјализирани услуги за помош и поддршка на  жртвите на родово базирано и семејно насилство раководени од граѓанските организации,  а всушност тие се единствените кои пружаат квалитетни и сеопфатни услуги, повеќе од важно е бизнис секторот да се вклучи и да даде свој придонес за обезбедувањето одржливост и непречено функционирање на овие сервиси.

Извршната директорка на Националната мрежа, Елена Димушевска, при потпишувањето на договорот, изјави:

„Сакам да ја изразам мојата огромна благодарност до Mozzart за поддршката која ја обезбедија за советувалиштето за жени и деца жртви на родово базирано и семејно насилство. Предизвиците да го осигуриме работењето на центарот се многу големи, особено поради недостатокот на финансиска поддршка од државата за ваков тип на сервиси кои се раководени од граѓански организации. Вклучувањето на бизнис секторот е од клучна важност, а Mozzart ја препозна важноста од постоење на овие сервиси и обезбедија директна финансиска помош кога тоа ни беше најмногу потребно“.

Ги охрабруваме и другите општествено одговорни компании да дадат поддршка на борбата против насилство врз жени и деца, и со тоа да придонесат кон живот без насилство за голем број жени и деца во нашата држава.

Share on facebook
Facebook
Share on twitter
Twitter
Share on linkedin
LinkedIn

Останати новости

Реакција: Платформата за родова еднаквост бара да престане праксата на правосудството на погрешното третирање на семејното насилство

Платформата за родова еднаквост реагира на одлуката на Основното јавно обвинителство Куманово да започне постапка против 36-годишната В.И. од Кратово, које е жртва на семејно

Отворено писмо на Платформата за родова еднаквост до Претседателката Гордана Сиљановска-Давкова

Платформата за родова еднаквост упатува честитки до Гордана Сиљановска-Давкова за нејзиниот избор и новиот мандат на Претседателка на Република Северна Македонија. Сиљановска-Давкова е првата жена