Светскиот Економски Форум ја вброи Критичкото размислување и Анализа на листата на најпотребни меки вештини за следните 2 години.
Како да ги одвоите фактите од личното мислење?
Како да ги надминете вашите предрасуди и објективно да ги анализирате ситуациите и комплексните проблеми?
Лажни вести? Критичкото размислување е вештината со која успешно ќе правите разлика што е добро, а што лошо, што е точно, а што е неточно!
Каква е моќта на прашањата кога се работи за вештината за критичко размислување?
Која е врската помеѓу критичкото размислување и решавањето на проблемите?
За време на 6 часовната обука ќе имате можност да добиете одговори на овие прашања и да работите на:
- практични индивидуални и групни вежби,
- искуствени нови увиди,
- дискусија и примена на алатките кога се работи за решавање на проблемите.
Цели: Оваа обука е создадена да Ви овозможи практични и применливи вештини како во приватниот живот така и во вашата организација, било да работите самостојно или во тим. Научете едноставни техники за логичко и информирано донесување на одлуки, како ефективно да ги користите емоциите и подобро да ги разберете искуствата и гледиштата на другите луѓе засилувајќи ја вашата способност да работите со различни луѓе.
По завршување на обуката ќе се стекнете со:
- поголема свесност за моќта на критичкиот ум и моќта на прашањата
- ќе добиете јасни техники како да развивате различен пристап кон проблемите и,
- применливи алатки кои веднаш ќе може да ги ставите во пракса.
Обуката ќе ја води Катерина Златановска Попова, советничка за кариера, тренер за меки вештини, тренер на Point of you и консултантка за човечки ресурси за компетентност.
За да се пријавите на работилницата доволно е да ни го напишете името и презимето, и контакт телефон на: konkurs@glasprotivnasilstvo.org.mk најдоцна до петок, 15.04.2022г. со назнака: Учество на работилница за Критичко размислување и решавање на проблеми.
За сите дополнителни информации може да не побарате на: 075/255-154.
Оваа активност е дел од проектот „Советувалишни центри за жени и деца жртви на родово базирано и семејно насилство“, финансиски подржан од Balkan Trust for Democracy, проект на Германскиот Маршал фонд на Соединетите држави и Кралската амбасада на Норвешка во Белград, а имплементиран од Националната мрежа против насилство врз жени и семејно насилство.
