Денес, во салата за состаноци на општина Битола се оддржа редовна месечна средба Центарот за развој на Пелагонски плански регион на кој присуствуваат градоначалниците од општините во овој регион. По покана на градоначлникот на Битола, на состанокот беа присутни и претставнички од тимот на Националната мрежа и тимот на Семпер од Битола.
Една од точките на дневен ред беше потребата за воспоставување и обебзедување на одржливост на специјализирани сервиси за помош и поддршка на жени и деца жртви на семејно и родово базирано насилство во Пелагонискиот регион. Пред градоначалниците, прва се обрати Марија Томевска Петковска која беше една од авторките на „Анализа на пристапот до специјализирани сервиси за помош и поддршка на жени и деца жртви на родово базирано и семејно насилство во Пелагонискиот регион“. Таа ги презентираше наодите и главните заклучоци и препораки кои произлегоа од спроведената анализа. Потоа се обратија извршната директорка на Националната мрежа, Елена Димушевска и проектната координаторка Ана Аврамовска, кои зборуваат за итната потреба од воспоставување на специјализирани услуги за жени и деца жртви на РБН И СН, и го презентираа деталниот буџет -финансиски средства кои се потребни за одржливост на едно специјализирано советувалиште за една година.
Од страна на претставничките на Националната мрежа беа споделени и позитивните искуства од други општини, како и можноста за партиципативен пристап на финансирање на вакоп тип на услуга.
Главниот заклучок од оваа средба беше дека општина Битола останува посветена на подобрување на пристапот до услуги за помош и поддршка на жени и деца жртви на насилство. Како следен чекор беше договорено да се разгледа предложениот буџет и финансиската рамка за партиципативност на сите општини.
