Во рамките на процесот на суб-грантирање на локални женски организации, на 16, 17 и 18 Јули 2021г. ја одржавме втората работна средба со претставнички од 8те суб-грантисти кои работат локално на терен во Битола, Прилеп, Тетово, Св. Николе, Велес, Радовиш, Струмица и Кавадарци. На средбата учествуваа сите 8 организации: Семпер, Клеа, Кортекс, Организација на жени на СВ. Николе, Организација на жени на Велес, Женска Акција, Скај Плус и Визија, кои ги презентираа сработените активности и постигнати резултати за изминатите 6 месеци од нивните проекти.
На работната средба ги дискутиравме наодите, препораките и заклучоците од спроведените локални анализи на потребите на жени жртви на насилство за процесот на реинтеграција. Согласно препораките и заклучоците, изработивме и планови за застапување и ги утврдивме чекорите за следните 6 месеци. Сите 8 организации суб-грантисти се подготвија за локално застапување за воспоставување на локални услуги за реинтеграција и рехабилитација на жени жртви на насилство.
Оваа активност се спроведе во рамките на проектот „ Институционализирање на квалитетни услуги за рехабилитација и интеграција на жртви од насилство“ поддржан од Австриската Агенција за развој (АДА).
