Денес имавме работна средба со Клубот на жени парламентарки. Средбата се оддржа на онлајн платформата ЗООМ.
Целта на средбата беше презентирање на документот кој го подготви тимот на Мрежата, а кој вклучува предлог измени и дополнувања на предлог текстот за измени и дополнувања на Кривичниот Законик, подготвен од Министерството за правда, а усвоен од Владата на РСМ на крајот на месец јули 2021 година.
Предлог текстот на Кривичен закон беше изработен од работна група во која не беа поканети и не учествуваа претставнички од женски граѓански организации.
По деталната презентација на предложените измени, како и ставот на граѓанските организации за унапредување на заштитата на жените жртви на родово базирано и семејно насилство присутните парламентарки се согласија дека унапредување и дополнување на предложените измени на Кризивчниот Законик се потребни.
На крајот на средбата, по предлог на Претседателка на Комисијата за еднакви можности на мажите и жените при Собранието на Република Северна Македонија, професорката Гордана Силјановска предложи закажување на јавна расправа во Комисијата за предложените измени и дополнувања од страна на граѓанските здруженија.
Документот со предлог измените и дополнувања на Кривичниот законик може да го најдете тука.