Од 09 до 10 јули организиравме дводневна работилница за супервизори за следење на услугите кои се обезбедуваат на Линијата на родители. Обучувачка беше Дарија Петович Бамбур – супервизорка на СОС Родителска линија. Работилницата се оддржа на онлајн платформата Зоом.
Целта на оваа работилница беше да се престави правилникот за работа на линијата, теоретските принципи и претпоставки за супервизорска работа, поддршката која треба да се обезбедува на оператор(к)ите ангажирани на Линијата за родители. Беа користени и студии на случај, за учесниците/чките да имаат можност преку практична работа да вежбаат давање на супервизиска/менторска поддршка и фидбек на оператор(к)ите.
Работилницата е дел од активностите во рамки на проектот „Воспоставување на национална линија за советување за позитивно родителство“ финансиски поддржан од канцеларијата на УНИЦЕФ во Скопје, а имплементиран од Националната мрежа против насилство врз жени и семејно насилство.