На 29 ноември во просториите на општина Кавадарци – собраниска сала се одржа панел дискусија по повод 25 ти ноември Меѓународен ден за борба против насилство врз жените и девојчињата во организација на Здружението за родова еднаквост „Визија“ Кавадарци (ЗРЕ Визија). На настанот присуствуваа претставници од општината, претставници од центрите за социјална работа, полиција, подрачната единици на Министерството за правда и претставници од здруженијата на граѓани.
Панелот го отвори Јоана Коцева, почесна Претседателка на ЗРЕ Визија Кавадарци.
Како панелисти беа поканети и говореа: Ана Аврамовска – Нушкова, претставничка од Националната Мрежа која говореше за обврските на Државата кои произлегуваат од Истанбулската Конвенција како и принципот на должно внимание при постапување на институциите кога има случај на родово базирано насилство врз жени и семејно насилство. Понатаму, адвокатката Билјана Ташева говореше за новините кои се предвидени во новиот Закон за спречување и заштита од насилство врз жените и семејно насилство, а пратеничката Даниела Колева од Собранието на Република Северна Македонија даде сеопфатен осврт за процесот на донесување на новиот закон за родова еднаквост. По завршување на обраќањата на панелистите, се разви дискусија во присутните ги споделија своите размислувања и искуства на оваа тема.
Оваа активност се спроведува во рамките на проектот „На пат кон ЕУ: Спречување на насилството врз жените во Република Северна Македонија“, финансиски поддржан од Фондацијата „Kvinna till Kvinna“ (The Kvinna till Kvina Fondation), а имплементиран од Националната мрежа против насилство врз жени и семејно насилство.
