Во период од 30-ти Мај до 03-ти Јуни 2022 година, се одржа регионален мрежен состанок на 6 женски организации од Западен Балкан кои во изминатите 2 години заеднички, но и локално во своите земји, работат на воспоставување квалитетни услуги за реинтеграција и рехабилитација на жени жртви на насилство.
Во рамките на оваа заедничка акција се спроведоа национални и локални истражувања за достапноста на услуги за заштита и реинтеграција на жени жртви на насилство, потоа базични студии за задоволството на жени жртви на насилство како кориснички на услугите од Центрите за социјална работа, обуки и менторство на професионалци кои работат на родово базирано и семејно насилство, субгрантирање на локални женски организации, застапување до релевантните институции со цел институционализација на услуги за реинтеграција и рехабилитација на жени жртви, како и неколку регионални документи објавени во текот на 2020 и 2021 година: Справување со насилство врз жените и семејно насилство во Западен Балкан за време и по здравствената криза со КОВИД-19, Документ за јавни политики социјални услуги за жени кои се справуваат со родово базирано насилство во Западен Балкан, како и Извештај за состојбата со фемициди на регионално ниво.
На состанокот беа презентирани постигнатите резултати на ниво на секоја држава, и беа договорени следните чекори и активности кои треба да се спроведат до крајот на 2022г. Воедно, беше договорено и продолжување на заедничките акции за воспоставување на услуги за заштита и реинтеграција во наредниот период во 2023 година. Овие акции на национално ниво ги спроведуваат Националната мрежа против насилство врз жени и семејно насилство во Северна Македонија , Автономен Женски центар во Србија), Центар за женски права во Црна Гора, Фондација Обединети Жени во Босна и Херцеговина, Косовската женска мрежа во Косово и, Албанската мрежа за јакнење на жени и Родовата алијанса за развој во Албанија.
Оваа активност е дел од дел од проектот „Институционализирање на квалитетни услуги за рехабилитација и интеграција за преживеани од насилство“ финансиран од Австриската агенција за развој (АДА) со средства на Австриската развојна соработка.
