Во Собранието на Република Северна Македонија, на 25-ти Ноември 2024г., се одржа јавна расправа за спречување на насилството врз жените и семејното насилство, дел од кампањата „16 дена активизам против родово базирано насилство“. На расправата во воведниот дел се обрати Претседателката на Комисијата за еднакви можности, Жаклина Пешевска, истакна дека економската зависност и социјалната изолираност се фактори за насилство врз жените. Дополнително се обратија и заменик генералниот секретар, Бобан Стојановски, Амбасадорот на ОБСЕ, Килиан Вал, и Заменик-министерот за социјална политика, демографија и млади, Ѓоко Велковски.
Извршната директорка на Националната мрежа, Елена Димушевска имаше свое излагање од говорницата на јавната расправа, каде потсети на важноста на постоењето и одржливоста на специјализираните услуги за жртви на насилство врз жени и семејно насилство низ целата држава. Имено, клучно за постоењето на овие услуги е финансирање на истите преку државните буџетите, за што е потребно да се обезбедат средства за оваа посебна намена.
На настанот присуствуваа претставници од разни министерства, меѓународни организации и граѓански организации. Говорниците заклучија дека има пораст на родово базираното насилство и побараа постојана координација и активен пристап за борба против семејното насилство. Истакнаа дека Северна Македонија има добра законска рамка, но потребна е интензивна имплементација.
