за развој и имплементација на регионална кампања за подигање на јавната свест за технолошки потпомогнато насилство врз жени (TF VAW)
Националната мрежа против насилство врз жените и семејното насилство објавува јавен повик за избор на маркетинг/комуникациска агенција за развој и имплементација на регионална кампања за подигање на јавната свест за технолошки потпомогнато насилство врз жени (Technology-Facilitated Violence Against Women – TF VAW), во рамки на проектот „Strengthening Legal and Institutional Responses to Technology-Facilitated Violence against Women (TF VAW) in the Western Balkans“, поддржан од Европската Унија, а имплементиран заеднички од УН Вомен и УНДП.
1. За проектот
Проектот има за цел да придонесе кон зајакнување на правните и институционалните механизми за превенција и заштита од технолошки потпомогнато насилство врз жени во земјите од Западен Балкан. Проектот се имплементира во партнерство со организации од Северна Македонија, Србија, Албанија и Босна и Херцеговина, а ги опфаќа и Косово и Црна Гора.
Во рамки на проектот ќе се спроведе регионална јавна кампања за подигање на свеста за различните форми на TF VAW, нивното влијание врз жените и девојките, како и потребата од посилни правни и институционални механизми за заштита.
2. Цел на ангажманот
Да се избере маркетинг/комуникациска агенција која ќе биде одговорна за:
- развој на креативен концепт за регионална кампања;
- развој на визуелен идентитет и клучни комуникациски пораки;
- подготовка и адаптација на дигитални материјали за сите земји партнери, односно на македонски, албански, српски, црногорски и босански јазик;
- поддршка при имплементација на кампањата на социјални медиуми;
- медија закуп и оптимизација на дигитална промоција;
- следење на досег и аналитика на кампањата.
3. Опис на задачите
Избраната агенција ќе биде одговорна за следните активности:
Креативен концепт и визуелен идентитет
- Развој на креативен концепт за регионална кампања;
- Подготовка на key visual;
- Развој на слоган и главни комуникациски пораки;
- Развој на кампањски визуелен идентитет во согласност со UN Women и ЕУ visibility guidelines.
Дигитални комуникациски материјали
- Дизајн на најмалку 24 графички објави за социјални медиуми (GIF/кратки анимации/електронски банери) на македонски јазик;
- Подготовка на copywriting текстови за објави;
- Подготовка на месечни комуникациски планови;
- Подготовка на материјали за Facebook, Instagram и други релевантни дигитални платформи.
Адаптација и координација
- Адаптација на материјалите на локални јазици (албански, српски, црногорски, босански) во соработка со партнерските организации;
- Координација со проектниот тим и партнерите од регионот;
- Вклучување на коментари и насоки од UN Women и проектниот тим.
Дигитална промоција и аналитика
- Сетирање и следење на дигитални кампањи;
- Media buying / спонзорирани објави;
- Следење и оптимизација на перформансите на кампањата;
- Подготовка на аналитички извештаи за досег, импресии и engagement.
4. Очекувани резултати
Од агенцијата се очекува да обезбеди:
- Развиен креативен концепт, слоган и key visual за регионалната кампања засновани на наодите и препораките од националните анализи на законодавството за TF VAW;
- Подготвени дигитални материјали на локални јазици;
- Најмалку 24 спонзорирани објави со дизајнирани графики и GIF анимации на македонски јазик односно 96 објави на 4 јазици (српски,црногорски, албански, босански);
- Кампања со досег од најмалку 2 милиони луѓе преку дигитални и медиумски канали;
- Аналитички извештаи за досег, engagement и перформанси на кампањата.
5. Времетраење на ангажманот
Ангажманот ќе трае приближно 6 месеци, согласно динамиката на проектот и договорениот комуникациски план.
6. Потребни квалификации
Право на аплицирање имаат маркетинг/комуникациски агенции кои ги исполнуваат следните критериуми:
- Најмалку 3 години искуство во развој и имплементација на комуникациски и дигитални кампањи;
- Докажано искуство со social media marketing и digital campaigning;
- Искуство во развој на креативни концепти и визуелен идентитет;
- Искуство во работа со граѓански организации, меѓународни организации или донаторски проекти ќе се смета за предност;
- Познавање на теми поврзани со родова еднаквост, човекови права и/или насилство врз жени ќе се смета за предност;
- Капацитет за координација и адаптација на материјали на повеќе јазици.
7. Начин на аплицирање
Заинтересираните агенции треба да достават:
- Кратко портфолио на агенцијата;
- Референци и примери од претходни релевантни кампањи;
- Предлог пристап и краток концепт за имплементација на кампањата;
- Финансиска понуда со детална спецификација на трошоци;
- Временска рамка за реализација.
Документите треба да се достават електронски на: coordinator@glasprotivnasilstvo.org.mk
Со назнака:
„Апликација за маркетинг/комуникациска агенција – TF VAW кампања“
телефон за контакт: 077/750-007
8. Рок за аплицирање
Краен рок за доставување на апликациите е: 5ти јуни 2026г.
9. Дополнителни информации
Сите комуникациски материјали и продукти ќе треба да бидат изработени согласно visibility guidelines на UN Women и Европската Унија и ќе подлежат на претходно одобрување од страна на проектниот тим и UN Women пред нивна јавна објава.
Националната мрежа против насилство врз жените и семејното насилство го задржува правото да не избере ниту една понуда доколку не ги исполнува бараните критериуми.
