Националната мрежа против насилство врз жени и семејно насилство објавува јавен повик за ангажирање фирма или индивидуални преведувачи/лектори за превод и лектура на анализа на трошоци во рамки на проектот „Институционализирање на квалитетни услуги за рехабилитација и реинтеграција на жртви од насилство II“ финансиран од Австриската агенција за развој (АДА) со средства од Австриската развојна соработка.
Предмет на јавниот повик е превод и лектура на анализа на трошоци, изработена на англиски јазик, со обем од приближно 90 страници.
Потребни услуги
Избраниот понудувач/избраните понудувачи ќе треба да ги обезбедат следниве услуги:
- превод од англиски на македонски јазик;
- превод од англиски на албански јазик;
- лектура на македонската верзија;
- лектура на албанската верзија.
Понудувачите треба да аплицираат за сите услуги во една понуда.
Услови за аплицирање
На јавниот повик може да се пријават:
- правни лица/фирми кои нудат услуги за превод и лектура;
- индивидуални преведувачи и индивидуални лектори во конзорциум.
Пожелно е понудувачите да имаат претходно искуство во превод и/или лектура на стручни документи, анализи, истражувања или публикации од областа на социјалната заштита, родовата еднаквост, насилството врз жени и семејното насилство, јавните политики, економските анализи или сродни области.
Содржина на понудата
Заинтересираните понудувачи треба да достават:
- кратка биографија/порфолио на фирмата или индивидуалниот понудувач;
- краток опис на релевантно искуство;
- финансиска понуда изразена по страница, и тоа:
- цена по страница за превод од англиски на македонски јазик;
- цена по страница за превод од англиски на албански јазик;
- цена по страница за лектура на македонски јазик;
- цена по страница за лектура на албански јазик;
- вкупна проценета цена за услугата/услугите за кои се аплицира;
- предложен рок или динамика за испорака.
Рокот за испорака на преводот и лектурата ќе биде дополнително договорен со избраниот понудувач/избраните понудувачи, согласно обемот на документот и потребите на проектот.
Начин на аплицирање
Потребната документација треба да се достави електронски, најдоцна до 10ти Јуни 2026г. на следната е-маил адреса: balsha@glasprotivnasilstvo.org.mk, со назнака:
Апликација на јавен повик за превод и лектура на анализа на трошоци
Критериуми за избор
При изборот ќе се земат предвид:
- релевантното искуство на понудувачот;
- понудената цена;
- предложениот рок и динамиа за испорака;
- капацитетот за обезбедување квалитетен превод и лектура на стручна анализа.
За дополнителни информации, заинтересираните понудувачи може да се обратат на: 077/750-007.
