Во месец Мај со одржа првото #HalkMatinèe посветено на женското претприемништво, женската финансиска независност и рамноправност. На овој настан беа презентирани промотивните пакети на Халкбанк кои се специјално креирани за жени претприемачки. Исто така, беа претставени и креациите на повеќе македонски дизајнерки и дизајнери, кои се дел од Фустани со џебови.
Преку продажбата на овие креации, Халкбанк и оваа година оствари поддршка за Интервентниот женски фонд на Националната мрежа против насилство врз жените и семејно насилство.
На настанот се обрати Ана Аврамоска Нушкова од Мрежата, како и неколку успешни претприемачки кои ги споделија своите искуства, успеси но и предизвици во бизнисот како жени.
Повторно се заблагодаруваме на тимот на Халкбанк за нивната поддршка за жените жртви на насилство, и ја поздравуваме нивната посветеност на ова прашање.
