Symphony Solutions, меѓународна ИТ компанија со канцеларии во Скопје, донираше 2000 евра во Интервентниот Женски Фонд. Со тоа, тие ја демонстрираа нивната посветеност и поддршка на родовата еднаквост и јакнење на жените во земјите каде делуваат, но и насекаде во светот.
Изразуваме голема благодарност до тимот на Symphony Solutions за нивната самоиницијативна акција во поддршка на жените жртви на родово базирано и семејно насилство, но и за препознавањето на Националната мрежа како клучен чинител во обезбедување заштита и поддршка на оваа особено ранлива категорија граѓанки.
Донираните средства преку Интервентниот женски фонд ќе се користат за жени жртви кои ја напуштиле насилната средина и се во социјален ризик, а имаат потреба од финансиска помош за режиски трошоци, кирија, набавка на храна и хигиенски производи, школски прибор на нивните деца, како и бебешки производи каде што е потребно и набавка на медицински производи.
