Конкурс за проектна координаторка

Националната мрежа против насилство врз жени и семејно насилство објавува конкурс за проектен/на координатор/ка за потребите на Извршната канцеларија.

Опис на позицијата и работни задачи:

Проектниот/ата координатор/ка е одговорен/на за:

  • целосна координација и спроведување на проекти;
  • техничка и логистичка поддршка на сите аспекти на проекти;
  • спроведување на процес на субгрантирање локални женски организации;
  • координација и соработка со внатрешни и надворешни експерти, ангажирани за потребите на проектите;
  • организација и учество на состаноци со релевантни чинители на регионално, национално и локално ниво;
  • организирање и логистика на обуки за професионалци  од релевантни институции и граѓански организации на локално ниво;
  • организација и логистика на состаноци со партнери на национално ниво;
  • координација на кампања за видливост на социјални медиуми, координација и соработка за подготовка на визуелни материјали со ангажирани лица;
  • подготовка на извештаи, пропратни документи и документирање на средствата за верификација на спроведените активности и индикатори;
  • следење на буџетското трошење за да се обезбеди ефикасност на проектните буџети;
  • следење објави и известувања во медиумите во врска со насилство врз жени и деца и семејно насилство;
  • следење објави за предлог проекти и подготовка на нови проектни апликации;
  • извршување други задачи во согласност со потребите на организацијата.

Критериуми за избор:

  • Завршено високо образование;
  • Напредни познавања на работа со компјутери (Microsoft office);
  • Најмалку 3 години работно искуство во граѓански сектор и во раководење на проекти;
  • Одлични  познавања на македонскиот и англискиот јазик;
  • Изградени способности за тимска работа;
  • Добро изградени организациски и комуникациски вештини;
  • Кандидати/тки кои се динамични и самоиницијативи.

За предност ќе се смета:

  • познавања или искуство од областа на работа со маргинализирани групи, родово базирано и семејно насилство врз жени и деца, човекови права, познавање на меѓународна и национална легислатива поврзанa со насилството врз жени и деца и семејно насилство;
  • искуство во застапување и работа со релевантни чинители на национално и регионално ниво;
  • образование во некоја од овие области: социјална работа, психологија, хуманистички науки, право, или други сродни професии;

Потребни документи:

  • скенирана копија од дипломата за завршено образование;
  • кратка биографија на македонски јазик;
  • најмалку една препорака од претходните работни места.

Услови за позицијата:

Позицијата предвидува полно работно време од 40 часа неделно. Позицијата е на определено време и вклучува пробен период од 3 месеци. Висината на надоместокот се движи од 70 000 до 90 000 денари во бруто износ и ќе биде точно дефинирана во зависност од претходното искуство на кандидатот/ката. Позицијата е со физичко присуство во просториите на извршната канцеларија на Националната мрежа против насилство врз жени и семејно насилство.

Пријавување:

Заинтересираните кандидати/ки треба да ги испратат потребните документи по електронски пат на coordinator@glasprotivnasilstvo.org.mk најдоцна до 10.10.2026г. до полноќ со назнака „Конкурс за проектна кооринаторка“.

Кандидатите/ките кои нема да ги достават бараните документи нема да бидат разгледувани.

Само кандидати/ки кои ќе влезат во потесниот избор ќе бидат повикани на разговор.

Facebook
Twitter
LinkedIn

Останати новости

УШТЕ КОЛКУ ЖИВОТИ ТРЕБА ДА СЕ ИЗГУБАТ ДОДЕКА СОБРАНИЕТО РАСПРАВА ДАЛИ ЗАШТИТАТА ОД РОДОВО БАЗИРАНО НАСИЛСТВО Е „ПРЕМНОГУ ПРОГРЕСИВНА“?

Длабоко сме потресени од трагедијата во Богданци, каде што се пронајдени две безживотни тела, а според досегашните информации, на настанот му претходела пријава за партнерско

Доста е со реакции по трагедијата – Државата мора итно да преземе сеопфатни мерки да ги заштити децата од насилство и да ја гарантира нивната безбедност

Национална мрежа против насилство врз жени и семејно насилство апелира за итно разрешување на случaјoт во кој тринаесетгодишно дете е прободено со нож во Скопската