Во рамките на серија обуки за давателки на услуги во советувалишни центри за жени и деца жртви на родово базирано и семејно насилство, на 16 и 17-ти Јули 2022г., ја одржавме и последната 5-та обука на која учествуваа давателки на услуги од Скопје, Тетово, Битола, Кавадарци, Велес, Куманово и Радовиш.
На оваа обука учесничките ги надградија своите знаења за законската легислатива и практична примена на законите за заштита и поддршка на жени жртви на РБН и СН, како и постапувањето на институциите при пријава на случај на РБН и СН од жртвите.
Дополнително, беше опфатена работата со деца жртви на РБН и СН, како и обработка на повеќе студии на случај преку играње улоги во постапување со случаи. Последната обука им даде можност на учесничките да научат и нешто повеќе за границите меѓу професионалниот и приватниот живот, по што следување за заокружување на сите 5 обуки кои се спроведоа во 2020 и 2021г. Оваа активност е дел од проектот „Советувалишта за жени и деца жртви на РБН и СН“, финансиски подржан од Балканскиот Фонд за Демократија, проект на Германскиот Маршал фонд на Соединетите држави и Кралската амбасада на Норвешка во Белград.
