На 24.08.2018, во работните простории на Бродот Панини во Велес, се одржа работна средба со претставници од областа на социјалната заштита, кои работат во општините на Вардарскиот плански регион и тимот на Националната мрежа. Со оваа работна средба се започна процесот на соработка помеѓу Националната мрежа и локалната самоуправа од Вардарскиот плански регион, за воспоставување на советувалишни центри за психо-социјална помош и поддршка за жени и деца жртви на семејно насилство во Велес и Кавадарци, кои ќе го опслужуваат целиот Вардарски регион.
Градоначалниците во предизборниот период, со потпишување на Јавната заложба за унапредување на заштитата на жените и децата жртви на различни форми на насилство, вклучително и семејно насилство на локално ниво, се заложија да одвојат дел од локалните буџети за унапредување/воспоставување на сервиси за жртвите на насилство.
На оваа средба учествуваа претставници од областа на социјалната заштита од: општина Неготино, општина Кавадарци, општина Свети Николе, општина Чашка, општина Градско и општина Лозово.
