Ова е тема на дискусија во новиот Извештај за трендовите на финансирање на женските граѓански организации во Западен Балкан.
ЕУ и другите донатори се посветени на унапредување на родовата еднаквост во Западен Балкан, но потребите на женските граѓански организации не се исполнети.
Истражувањето е спроведено во 2019 година во шест земји од Западен Балкан, од страна на осум женски организации (меѓу кои и Национална мрежа против насилство врз жени и семејно насилство), предводени од Мрежа на жени на Косово/ Kosova Women’s Network, а поддржани од The Kvinna till Kvinna Foundation. Toa вклучува интервјуа со 71 финансиер и 241 различни граѓански организации.
Извештајот беше лансиран и дискутиран на јавен интернет настан, меѓу повеќе од 100 присутни на 9 јуни, каде нашата извршна директорка Елена Димушевска сподели некои од достигнувањата на женските граѓански организации во Северна Македонија. Некои од нив вклучуваат ратификација на Истанбулската конвенција во 2017 година и усвојување на новиот Закон за абортус во 2019 година. Таа, исто така, истакна дека женските граѓански организации играат клучна улога во оперативниот контекст на специјализираните услуги за жени жртви на семејно и родово засновано насилство.
Преземете и прочитајте го денес!
