На конкурсот за Избор на Најдобра Младинска Иницијатива трочлената комисија ја избра иницијативата на младинскиот тим од Велес со наслов „ЗУМИРАЈ РОДОВО БАЗИРАНО НАСИЛСТВО“.
Како дел од активностит на оваа иницијатива беше спроведена teaser кампања на фејсбук, https://www.facebook.com/zumiraj и беше активиран блогот http://zoommladinskainicijativa.wordpress.com/ каде што младите ќе имаат простор да споделуваат најразличнни содржини поврзани со превенција и подигнување на свеста кај граѓаните за родово базираното насилство.
На 08.10.2013 год. младинскиот тим организираше изложба во младинскиот парк во Велес на тема „ЗУМИРАЈ РОДОВА РАМНОПРАВНОСТ“. Ученици од две основни училишта во Велес ги изложија своите цртежи преку кои покажаа што тие подразбираат под родова рамноправност и родово базирано насилство. На учениците од основните училишта им беа поделени и сертификати за учество.
На изложбата и предходеа врснички едукации во средните училишта во Велес, на кои средношколците имаа можност да ги споделат своите размислувања и дилеми во однос на овие прашања. Во подготовка е и краток документарен филм со кои младите ќе ја пренесат и пораката на оваа иницијатива. Како последна активност е предвидено организирање на трибина на тема „Родова еднаквост во професиите“ на која збор ќе земат граѓани со нетипични „машко/женски професии“. На трибината ке биде промовирано и stop motion видетото изработено од младинскиот тим.
