Интервентниот Женски Фонд со поддршка од Британската амбасада, започнувајќи од јуни 2020, обезбедува финансиска и материјална помош за жени жртви на насилство. Ги повикуваме сите жени кои имаат потреба од помош и поддршка, да се обратат во Националната мрежа.
Покрај редовните услуги за бесплатна правна и психолошка помош кои Мрежата ги нуди на жртвите кои ја напуштиле или планираат да ја напуштат насилната средина, со овие средства помагаме во обезбедување помош за плаќање кирија, режиски трошоци, медицинска документација за повреди настанати при насилство, помош при трошоци за адвокат во правни постапки, но и пакети со храна и хигиенски средства и производи за бебиња и деца, како и за лекови и терапии.
Средствата од Фондот се достапни за сите жени кои преживеале насилство и кои:
-ја напуштиле насилната средина или им е потребна поддршка да ја напуштат насилната средина;
-се материјално необезбедени или во социјален ризик;
-се во ризик од бездомништво.
Отворањето и активирањето на овој фонд е дел од глобалната кампања „16 денови активизам против родово базирано насилство“ од 2017 година.
Идејата за овој фонд дојде по донацијата од претходниот градоначанaлник општина Центар во 2017 година, Андреј Жерновски, со пренамена на средства од осмомартовската прослава. Ова воедно е и прва донација во Интервентниот женски фонд.
